如何得知 BC 啱唔啱自己？

帶 Con 的朋友相信都會遇到 BC 嘅選擇問題：

依家就同大家講解一下喇！

01. 隱形眼鏡的 BC是指什麼？

人的眼睛大致上是一個球體，而戴在眼睛上的隱形眼鏡大致上係一個半球，都是彎曲而有弧度。

BC，即 Base Curve，簡稱「基弧」，又稱「曲率半徑」，是衡量眼球或隱形眼鏡彎曲程度的數據。

BC 數值越細代表越彎，BC 數值越大就越平。若隱形眼鏡比眼球的 BC 大太多，就會容易鬆脫，反之，如果隱形眼鏡 BC 比眼球細，就會有「箍住」的感覺，而造成不適。

每個人的眼球都不同，當然需要先經過正規的驗光，用儀器測量才會得知自己的 BC。單純視力檢查是不會知道眼睛的 BC，所以需要到眼科、有資質及設備的眼鏡鋪或視光中心，由醫生或驗光師操作之後得到正確的數據。

由於人眼並非一個完美球體，水平方向和垂直方向檢查出的數據會有大小之分。為了完全覆蓋角膜（即黑眼珠），需要參考比較大的數值。
而人的左眼與右眼都可能有少許差異，在選擇隱形眼鏡時，左眼與右眼選使用不同 BC 的鏡片亦十分常見。

理論上，眼球的最大 BC * 1.1 ，便是最理想的隱形眼鏡 BC ，不至於太鬆，亦不會太緊。

不過，由於市面上嘅隱形眼鏡產品可供選擇嘅 BC 事實上相當有限，很難保證買到理論上最啱自己，最理想嘅隱形眼鏡，咁點算呢？唔通要獨家定制咁重皮？

事實上當然無必要。隱形眼鏡嘅材質都相當柔軟而且有相當好嘅適應能力，在理想 BC 的基礎上增加或減少 0.2~0.3mm，都完全可能會啱用，呢個選擇範圍就好闊喇，基本上人人都買得到。

另外，即使係相同 BC 嘅隱形眼鏡，因材質、工藝或者其它方面嘅區別，實際佩帶嘅效果都會存在唔小嘅差異，所以最終都要靠眼睛收貨，眼睛「Say Good 」嘅先最啱自己！

最為推介的做法就是請眼科醫生或視光師用儀器測量與測試，結果最為準確，而且可以得到最為專業的建議。

但如果不看醫生又可以嗎而又想知道？都唔係無辦法，最簡單的做法可以用手指輕輕頂一頂下眼皮，如果眼皮撞到鏡片後，鏡片完全不會走位，就說明鏡片太緊，BC 太細，反之，如果鏡片一頂就完全脫出，就說明就佩帶太鬆，BC 偏大。最理想的情況是只有一部分鏡片脫離眼珠，咁就正確喇～

另外，如果帶上之後發現視野不夠清晰，或者有明顯不適，都可能說明 BC 不適合，可試戴其他款式進行比較。

最後提醒大家一句，長期佩帶 BC 不適合的 Con 可能會影響眼睛健康，最好就不要馬虎了事啊！